A monótona apatía dunha estraña familia rómpese cando a presencia dun vagabundo no seu xardín fai que se decate de que a súa vida ten sentido: chegar a parecer superior aos demais. A continuación presenciaremos unha fermosa comunicación entre a sociedade de benestar e a sociedade de malestar; un grupo de extravagantes títeres obsesionados polos cartos, a moda, o sexo ou a simple supervivencia.

Velaquí unha peza atemporal sobre o absurdo dunha sociedade dominada pola incoherencia e a frivolidade, onde a poesía ou os amantes exóticos cotizan á alza e cadaquén ten algo que ocultar. Dubidaremos das aparencias que dominan un mundo poboado por bardos, paranoicos, liberais ou marxinados. Decatarémonos de que todos entramos no xogo e de que, cando a historia o require, todo ten o seu prezo.

---

Eduardo Quiles

Eduardo Quiles (Valencia, 1940), dramaturgo censurado polo franquismo, fundador da compañía Escena-I (1985-1997), cultivador do monólogo y da peza breve, poeta, novelista e conferenciante, publicou recentemente na Asociación de Autores de Teatro o seu Teatro do personaxe, que comprende a súa obra escollida, tanto teatro breve, como ensaio, como versións musicais, que empezou a escribir tras "El frigorífico" (1987). Autor traducido ó alemán e ó inglés (estrenou no off-off Broadway, lugar do teatro de vangarda) e incluido no polémico "Spanish underground" drama de George Wellwarth, ensaio editado pola extinta editorial Villalar.