| 15 de Xullo de 2008 | |
|---|---|
| Teatro Avresno participará na VII Mostra de Teatro Afeccionado do Condado "Móstrate" que se celebrará os próximos 23, 24, 25 e 26 de Xullo. "Historias íntimas do Paraíso" se representará o sábado 26 ás 22:30 no recinto de festas das Fraguiñas en Fornelos da Ribeira, Salvaterra de Miño (Pontevedra). | |
| 18 de Maio de 2008 | |
| Teatro Avresno publicou en YouTube un vídeo presentación de "Historias Íntimas do Paraíso". Podes velo na páxina de fotos da obra. | |
| 22 de Abril de 2008 | |
| Teatro Avresno xa forma parte da FEGATEA (Federación Galega de Teatro Afeccionado). Desde hoxe participará nas actividades desenvolvidas por esta entidade. | |
| 28 de Marzo de 2008 | |
| Teatro Avresno actuará con "Historias Íntimas do Paraíso" o domingo 13 de Abril nun Ciclo de Teatro organizado pola Asociación Avante de Portonovo. Será ás 20:00h no Pazo Emilia Pardo Bazán de Sanxenxo (Pontevedra) | |
| 2 de Marzo de 2008 | |
| A Asociación Teatro Avresno foi incluída un ano máis no Plan
Cultural 2008 da Deputación de Pontevedra (grupo A). Calquera
entidade de Pontevedra pode solicitar a actuación de Teatro Avresno
a través da Deputación (986 804 100) facéndose cargo esta
dos gastos da representación. |
|
| 23 de Febreiro de 2008 | |
| Teatro Avresno participará na IV Mostra de Teatro Galego Afeccionado Concello de Sada, Premios Lugrís Freire. Representará a súa última obra "Historias Íntimas do Paraíso" o domingo 23 de Marzo ás 19:30h en Sada (A Coruña). | |
| 21 de Xaneiro de 2008 | |
| Teatro Avresno xa aparece na Galipedia (Wikipedia en galego): http://gl.wikipedia.org/wiki/Teatro_Avresno | |
| 15 de Xaneiro de 2008 | |
| Teatropía inaugura un novo foro adicado ó teatro onde Teatro Avresno ten o seu oco. Agora xa é posible deixar mensaxes e entablar debates sobre o mundo teatral e a nosa agrupación. |
|
| 15 de Decembro de 2007 | |
| Teatro Avresno estrenará a súa última obra "Historias íntimas do Paraíso" o sábado 12 de Xaneiro ás 22:30h no auditorio do Centro Cultural Daniel Castelao (Biblioteca Pública) de Quintela - Moaña, como continuación do Certame de Teatro Afeccionado "FEGATEA MÓVETE 07". |
|
| 15 de Marzo de 2007 | |
| A Asociación Teatro Avresno foi incluída novamente no Plan
Cultural 2007 da Deputación de Pontevedra (grupo A). Calquera
entidade de Pontevedra pode solicitar a actuación de Teatro Avresno
a través da Deputación (986 804 100) facéndose cargo esta
dos gastos da representación. |
|
| 30 de Setembro de 2006 | |
Teatro Avresno comeza a preparar unha nova obra. Trátase dunha polémica comedia sobre a historia de Adán e Eva... |
|
| 31 de Marzo de 2006 | |
| A Asociación Teatro Avresno foi incluída no Plan
Cultural 2006 da Deputación de Pontevedra (grupo A). Calquera
entidade de Pontevedra pode solicitar a actuación de Teatro Avresno
a través da Deputación (986 804 100) facéndose cargo esta
dos gastos da representación. |
|
| 23 de Novembro de 2005 | |
Teatro Avresno actuará en Moraña polo Nadal por iniciativa da A.A. V.V. da Amil. |
|
| 15 de Agosto de 2005 | |
Teatro Avresno actuará na Semana Cultural organizada pola A.A. V.V. de Berducedo (Moaña). Será o próximo 8 de setembro. |
|
| 1 de Maio de 2005 | |
A actuación de Teatro Avresno en Albocaça (Portugal) xunto con Xerigonza Teatro resultou un éxito. A acollida en Portugal foi inmellorable e a experiencia foi como para repetir... |
|
| 12 de Marzo de 2005 | |
Teatro Avresno participará xunto con Xerigonza Teatro no II Festival de Teatro Amador de Benedita (FESTTEATRO) - Albocaça (Portugal). Será o 30 de Abril. |
|
| 1 de Decembro de 2004 | |
Incorpóranse 2 novos actores ó grupo para substituír as 2 baixas que tiveron lugar despois da actuación de Cangas. |
|
| 9 de Outubro de 2004 | |
Teatro Avresno participará no "II Ciclo de Teatro Afeccionado de Cangas" organizado por "A CEPA". Actuará o Venres día 29 de Outubro ás 22:30h. no auditorio de Cangas. |
|
| 8 de Outubro de 2004 | |
| Hoxe aparece no suplemento "Vivir no morrazo" que ven co periódico
"Diario de Pontevedra" un artigo sobre Teatro Avresno donde
se fai un percorrido polos seus 7 anos de existencia con fotos da obra
"A súa maxestade a moda". |
|
| 2 de Maio de 2004 | |
| O estreno de "A súa maxestade a moda" que foi anunciado en "Faro de Vigo" e "Atlántico Diario" tivo unha grande afluencia de público. A impresión xeral foi moi boa, semella que a xente disfrutou coa obra, o cal nos enche de satisfacción e nos anima a empezar unha xira de actuacións en canto a nosa disponibilidade o permita. | |
| 1 de Abril de 2004 | |
| Teatro Avresno estrena a súa última obra "A súa maxestade a moda" o sábado 1 de Maio en Moaña. Será no auditorio do Centro Cultural Daniel Castelao ás 23:00h. | |
| 31 de Marzo de 2004 | |
| A Asociación Teatro Avresno foi incluída no Plan Cultural 2004 da Deputación de Pontevedra (grupo A). Agora calquera entidade de Pontevedra pode solicitar a actuación de Teatro Avresno a través da Deputación (986 804 100) facéndose cargo esta dos gastos da representación. | |
| 8 de Marzo de 2004 | |
| Apróbase no BOE do 13-01-04 un novo Real Decreto (RD 1740/2003) que obriga a modificar os estatutos das Asociacións sen ánimo de lucro e outro (RD 296/2004 do BOE do 27-02-04) referida ó réxime fiscal posto que agora esíxese un maior rigor na contabilidade. | |
| 4 de Marzo de 2004 | |
| Apróbase no DOGA a "Orde do 6 de febreiro de 2004 pola que se convocan subvencións a particulares, asociacións e institucións culturais para a realización de actividades culturais". Prazo: 40 días naturais a partir de hoxe. | |
| 20 de Maio de 2003 | |
| Xerigonza Teatro da Universidade de Vigo actúa en Moaña o vindeiro Venres 23 de Maio coa obra "A Pousadeira". Consulta a sección de calendario para máis información | |
| 3 de Abril de 2003 | |
| A Asociación Teatro Avresno foi incluída no Plan Cultural 2003 da Deputación de Pontevedra (grupo B). Agora calquera entidade pode solicitar a actuación de Teatro Avresno a través da Deputación (986 804 100) facéndose cargo esta da maior parte dos gastos. | |
| 24 de Decembro de 2002 | |
| Teatro Avresno deséxalles un bo Nadal e un próspero ano novo. | |
| 8 de Decembro de 2002 | |
| Existe un foro de visitas (http://boards.melodysoft.com/galicianegra/) e un libro de visitas (http://gbooks.melodysoft.com/galicianegra/) donde poder expresar opinións sobre a marea negra galega. | |
| 7 de Decembro de 2002 | |
| Hoxe, no Ciclo de Teatro de Moaña, tras finalizar a actuación
de Tic-Tac do grupo Teatro de Ningures, éstes leron un comunicado
de solidaridade co pobo galego pola marea negra. Debemos loitar todos
xuntos que nunca máis suceda algo así. |
|
| 6 de Decembro de 2002 | |
| A Asociación Teatro Avresno mostra a súa indignación
pola desastrosa xestión levada a a cabo polo goberno ante acatástrofe
do petroleiro Prestige que tinguiu as nosas costas de negro e solidarízase
cos milleiros de persoas que traballan arreo por tratar de paliar na medida
do posible o imposible. NUNCA MÁIS. |
|
| 3 de Decembro de 2002 | |
| Teatro Avresno inaugura un FORO
DE DEBATE de Teatro en Galicia. Entra
e comparte as túas opinións. |
|
| 16 de Novembro de 2002 | |
| Teatro Avresno incorpora dous novos actores tralas dúas baixas
dos dous actores más xoves facendo que a plantilla actual se manteña
en 9 actores. |
|
| 2 de Novembro de 2002 | |
| Hoxe comeza o Circuito de Teatro de Moaña 2002. Será tódolos sábados do 2 de Novembro ó 21 de Decembro ás 23:00 horas. O lugar: un pavillón do colexio de Tirán "acondicionado" para a ocasión. É moi triste que coa forte tradición de teatro que hai en Moaña, a xente e os grupos profesionais teñan que meterse en lugares como ese. MOAÑA NECESITA UN AUDITORIO XA. | |
| 24 de Setembro de 2002 | |
| Parece que os trámites para legalizar a asociación
foron exitosos e xa temos a inscrición provisional no Rexistro Central
de Asociacións de Galicia... |
|
| 4 de Maio de 2002 | |
| A nosa obra "As árbores morren en pé" inaugurou onte
o I Ciclo de Teatro Afeccionado de Cangas, que tivo unha calurosa acollida. |
|
| 27 de Abril de 2002 | |
| Aparece unha foto da nosa obra "As árbores morren en pé
na edición de hoxe do xornal Comarca do Morrazo nunhan noticia
que anuncia o I Ciclo de Teatro de Cangas coa participación de
Sito Parada na inauguración, xusto antes da nosa representación. |
|
| 25 de Abril de 2002 | |
| E polo contrario parece ser que o Ciclo de Teatro Afeccionado de
Moaña suspendeuse. É moi triste que se solapen dous actos
iguais en Cangas e Moaña os mesmos días e as mesmas horas.
Suponse que moaña non pode competir co Auditorio de Cangas ¿...? |
|
| 06 de Abril de 2002 | |
| Finalmente o Ciclo de Teatro Afeccionado de Cangas vai adiante e
Teatro Avresno participará coa obra "As árbores morren
en pé" o día 3 de Maio. |
|
| 15 de Marzo de 2002 | |
| Teatro Avresno súmase ó Ciclo de Teatro Afeccionado
que vai ter lugar en Moaña nos meses de Abril e Maio. En principio
a nosa actuación queda fixada para o 10 de Maio. |
|
| 07 de Marzo de 2002 | |
| Finalmente non hai actuación en Cangas o día 8 de Marzo.
En principio aprázase de forma indefinida... |
|
| 22 de Febreiro de 2002 | |
| Parece que hai problemas co Auditorio de Cangas para a actuación
do 8 de Marzo. Ó parecer hai intereses económicos que priman
sobre os culturais. |
|
| 31 de Decembro de 2001 | |
| Teatro Avresno dexésavos unhas felices festas e un estupendo
comezo de ano que por ser capicúa, esperemos que nos axude a levar
a bo porto tódolos nosos proxectos. |
|
| 24 de Novembro de 2001 | |
| A nova obra titúlase "A súa maxestade a moda" de Eduardo
Quiles. Esperamos que se convirta nun reto moi creativo para o grupo. |
|
| 10 de Novembro de 2001 | |
| Tralas últimas reunións por fin temos escollida unha
nova obra para a vindeira temporada. Trátase dunha comedia absurda
con tódolos ingredentes necesarios para facer desta unha obra moi
divertida. |
|
| 24 de Setembro de 2001 | |
| Finalmente coa actuación do sábado 29 de setembro no
Café Teatro do Real en Moaña retomamos a posta en escena
da nosa última obra "As árbores morren en pé". |
|
| 8 de Agosto de 2001 | |
| Sen deixar de lado "As árbores morren en pé" que continuaremos
representando en Outono, empezamos a buscar unha nova obra para a próxima
temporada. Moi probablemente unha comedia moderna con pinceladas de absurdo. |
|
| 22 de Maio de 2001 | |
| Xa temos fotos de "As árbores morren en pé". Podes
velas desde a sección
de fotos. |
|
| 20 de Maio de 2001 | |
| Grande éxito nas actuacións de Vigo. Ó auditorio
acudiron máis de 60 persoas, o cal non está nada mal considerando
que ese sábado había moitísimas actividades en Vigo.
Na actuación para a Universidade houbo un par de problemas: nos
folletos da programación da semana cultural polas Letras Galegas
da Universidade de Vigo saía o nome do grupo como TEATRO AURESMO
en lugar de TEATRO AVRESNO e ademais solaparon a actuación coa
de Llullu Teatro, aínda que houbo unha cálida acollida no
Salón de Actos da Escola de Telecomunicacións. Así
e todo, mal pola organización. |
|
| 18 de Abril de 2001 | |
| Xa temos novas actuacións concertadas en Vigo. Serán
no Auditorio do Concello de Vigo o 12 de Maio e no Salón de actos
de Teleco (CUVI) o 16 de Maio. Máis
información |
|
| 27 de Marzo de 2001 | |
| Finalmente haberá actuación en Bueu. Será o
próximo Domingo 1 de Abril ás 20:30h. Quedan pendientes
as actuacións en Vigo e Pontevedra. |
|
| 12 de Marzo de 2001 | |
| Magnífica acollida no estreno da obra. Máis de 100
persoas asistiron á actuación que tivo un gran dinamismo
de principio a fin no cal non faltaron risas, nin momentos emotivos nin
situacións de tensión, tódolos ingredentes necesarios
que fixeron que o público disfrutase na súa butaca. |
|
| 6 de Marzo de 2001 | |
| Xa é definitivo, estrenamos este Sábado
día 10 de Marzo ás 22:30h no Centro Cultural Daniel Castelao de Quintela en Moaña. Esperamos
a vosa asistencia. |
|
| 23 de Xaneiro de 2001 | |
| Finalmente o estreno da obra ten que quedar para Marzo (probablemente
para o día 10). Ademáis xa temos en trámites algunhas actuacións
máis das cales iremos informando. |
|
| 13 de Xaneiro de 2001 | |
| Lamentamos comunicar que finalmente non se puido levar a cabo o estreno
da obra hoxe Sábado por causa de forza maior. Rogamos desculpen
as molestias e xa informaremos da nova data de estreno en canto poidamos
determinala. |
|
| 12 de Xaneiro de 2001 | |
| Xurdiron algunhas complicacións de forza maior que poden causar
que se aplace o estreno da obra... |
|
| 4 de Xaneiro de 2000 | |
| Xa temos data para o estreno de "As árbores
morren en pé". Será o Sábado 13 de Xaneiro ás 10:30h
no Centro Cultural Daniel Castelao de Quintela (auditorio da Biblioteca
Pública Municipal de Moaña). |
|
| 2 de Decembro de 2000 | |
| XVII Mostra de Teatro Cómico e Festivo do 2 ao 9 de decembro
do 2000 en Cangas do Morrazo con grupos de Galicia, Castilla, Madrid,
EEUU, Arxentina, Asturias e Aragón. |
|
| 9 de Novembro de 2000 | |
| Hai perspectivas de estrena-la obra en Decembro, pero non é
posible concretar unha data. |
|
| 29 de Outubro de 2000 | |
| O Sábado 04 de Novembro celebrarase unha cea despois do ensaio
o obxecto dunha maior integracion do grupo. |
|
| 27 de Outubro de 2000 | |
| Xa se pode falar do estreno da obra neste Nadal. Queda por determinar
a data exacta. |
|
| 10 de Xullo de 2000 | |
| Teatro Xerigonza da Universidade de Vigo representou a súa
obra "A Grande Noite de Fiz" en Moaña o Venres 7 de Xullo ás 23:00
h. con dous componentes de Teatro Avresno. |
|
| 22 de Febreiro de 2000 | |
| O Grupo de Teatro
Xerigonza da Universidade de Vigo interpretará a súa
última obra "A Grande Noite de Fiz" en Seixo (Marín) o Domingo
27 de Febreiro ás 16:30 h. |
|
| 08 de Febreiro de 2000 | |
| Na última reunión sumouse unha nova actriz o noso grupo.
Agora xa están cubertos tódolos papeis de personaxes femininos
para esta obra... |
|
| 23 de Xaneiro de 2000 | |
| Boas novas, incorporáronse dous novos actores cos cales damos
xa por cumplido o cupo dos personaxes masculinos. Ademais na reunión
de hoxe xa se procedeu ó reparto de personaxes. |
|
| 17 de Xaneiro de 2000 | |
| Houbo cambios no grupo. Marchou un dos actores cos que contabamos
e viu unha nova actriz. Agora estamos pendentes da incorporación
dun cuarto actor. Na última reunión non se puido repartir
os papeis dos personaxes ó non estar presentes tódolos componentes.
Queda aprazado para o próximo ensaio. |
|
| 09 de Xaneiro de 2000 | |
| Estrenamos novo deseño de WEB. Esperamos que vos
guste. |
|
| 07 de Xaneiro de 2000 | |
| Xa temos obra escollida e traducida ó galego.
Trátase de "AS ÁRBORES MORREN EN PÉ" de Alejandro
Casona. |
|
| 23 de Decembro de 1999 | |
| Teatro AvReSnO medra no seu número de compoñentes
trala reunión celebrada hoxe. Xa somos nada máis e nada
menos que 12 compoñentes con moita ilusión por facer teatro. |
|